Thursday, March 26, 2015

ചിറകൊടിഞ്ഞ കിനാവുകൾ Review

"അഴകിയ രാവണൻ" സിനിമയിലെ ശന്കർ ദാസ് എന്ന മമ്മൂട്ടി കഥാപാത്രത്തോട് നോവലിസ്റ്റ് അംബുജാക്ഷൻ എന്ന ശ്രീനിവാസൻ കഥാപാത്രം പറഞ്ഞ കഥ :-

ഒരു വിറകുവെട്ടുകാരൻ. അയാൾക്കൊരേയൊരു മകൾ – സുമതി, പത്തൊൻപത് വയസ്സ്. ഇവൾ, സ്ഥലത്തെ ഒരു തയ്യൽക്കാരനുമായി പ്രണയത്തിലാണ്. ഈ തയ്യൽക്കാരൻ ബഹുമിടുക്കനും സുന്ദരനുമാണ്. അനീതി കണ്ടാൽ എതിർക്കും. ജനങ്ങളുടെ ഏതു കാര്യത്തിനും മുന്നിൽ കാണും. അങ്ങനെ നാട്ടുകാരുടെ കണ്ണിലുണ്ണിയാണ്. എല്ലാറ്റിലും ഉപരി ഈ തയ്യൽക്കാരൻ ഒരു നോവലിസ്റ്റുമാണ്. പക്ഷേ വിറകുവെട്ടുകാരന് തന്റെ മകളെ ഒരു വലിയ പണക്കാരനായ ഗൾഫുകാരനെ കൊണ്ട് കെട്ടിക്കാനാണ് താല്പര്യം.
ഇക്കാര്യം സുമതി തയ്യൽക്കാരനെ അറിയിക്കുന്നു. തയ്യൽക്കാരൻ ഗൾഫിൽ പോകാൻ ശ്രമിക്കുന്നു. പക്ഷേ വിസ, അതു കിട്ടുന്നില്ല.
അങ്ങനെ നിവൃത്തിയില്ലാതെ തയ്യൽക്കാരൻ നോവലെഴുതാൻ തുടങ്ങുകയാണ്. അത്ഭുതമെന്ന് പറയട്ടെ, ഏറ്റവും നല്ല നോവലിനുള്ള സർക്കാർ അവാർഡ് അതിനു കിട്ടുകയാണ്. പത്തുലക്ഷം രൂപ.
ഈ പണം കൊണ്ട് തയ്യൽക്കാരൻ ഒരു ഗംഭീര ബംഗ്ലാവ് പണിയുകയാണ്.
തനിക്ക് തന്റെ പ്രാണപ്രേയസിയോടൊത്ത് താമസിക്കാനാണ് തയ്യൽക്കാരൻ ബംഗ്ലാവ് പണിയുന്നത്. പക്ഷേ നിർഭാഗ്യമെന്ന് പറയട്ടെ, വിറകുവെട്ടുകാരൻ തന്റെ മകൾക്കൊരു ഗൾഫ് ഭർത്താവിനെ ഏർപ്പാടാക്കുന്നു. സുമതി കരഞ്ഞു. തയ്യൽക്കാരൻ ആ കല്യാണം പൊളിക്കാൻ ശ്രമിക്കുന്നു. സാധിക്കുന്നില്ല. ഒടുവിൽ, ബംഗ്ലാവിന്റെ പാലുകാച്ചൽ ദിനം വരികയാണ്. അന്നുതന്നെയാണ് സുമതിയും ഗൾഫുകാരനുമായുള്ള വിവാഹവും. അവിടെ കല്യാണവാദ്യഘോഷങ്ങൾ. ഇവിടെ പാലുകാച്ചൽ. പാലുകാച്ചൽ, കല്യാണം. കല്യാണം, പാലുകാച്ചൽ. കല്യാണം, പാലുകാച്ചൽ. അതങ്ങോട്ടുമിങ്ങോട്ടും ഇടവിട്ട് കാണിക്കണം. അവിടെ സുമതിയുടെ കഴുത്തിൽ താലി വീഴുന്ന സമയത്ത് ഇവിടെ കാച്ചിയ പാലിൽ വിഷം കലക്കി കുടിച്ച് തയ്യൽക്കാരൻ പിടയുകയാണ്, പിടയുകയാണ്. പക്ഷേ, താലി കെട്ടുന്നില്ല. സുമതി ഓടി. തയ്യൽക്കാരൻ മരിച്ചില്ല, ആശുപത്രിയിലായി. ഡോക്ടർമാർ, ഓപ്പറേഷൻ. ഓപ്പറേഷൻ, ഡോക്ടർമാർ. ഒടുവിൽ ആശുപത്രിയിൽ വച്ചവർ ഒന്നിക്കുകയാണ്.....

ഇതാണ് ചിറകൊടിഞ്ഞ കിനാവുകൾ എന്ന സിനിമയിലെയും കഥ.

സാഗര്* എലിയാസ് ജാക്കിക്കും സേതുരാമയ്യര്*ക്കും രതി ചേച്ചിക്കും വീണ്ടും വരാം എങ്കില്* അംബുജാക്ഷനും വരാം എന്ന് പറഞ്ഞ് കൊണ്ട് തുടങ്ങുന്ന ചിറകൊടിഞ്ഞ കിനാവുകള്* മലയാളി പ്രേക്ഷകരുടെയും മലയാള സിനിമാക്കാരുടെയും ശീലങ്ങളെ കണക്കറ്റ് പരിഹസിക്കുകയാണു ചെയ്യുന്നത്. മലയാള സിനിമകളില്* കണ്ട് വരുന്ന ക്ല്ലീഷേകളും പ്രേക്ഷകര്* കാണാന്* ആഗ്രഹിക്കുന്ന രംഗങ്ങളും * അവതരിപ്പിച്ച് സിനിമാക്കാരേയും പ്രേക്ഷകരേയും ഒരുപോലെ കളിയാക്കുകയാണ് സംവിധായകൻ.

ബല്*റാമും താരാദാസും ഒരു പോലെയാണെങ്കിലും ആരും തിരിച്ചറിയുന്നില്ല, മെഡിക്കല്* മിറാക്കിള്*സ്, തുടങ്ങി എല്ലാ സീനുകളിലും മറ്റ് സിനിമകളുടെ സ്പൂഫ് പ്രയോഗിച്ച് ആസ്വാദ്യകരമാക്കാന്* തിരകഥാകൃത്തിനു കഴിഞ്ഞിട്ടുണ്ട്.
സ്പൂഫ് എന്ന സങ്കേതത്തോട് താദാത്മ്യം പ്രാപിക്കാന്* കഴിയാത്ത പ്രേക്ഷകന് ഈ സിനിമ തികച്ചും അരോചകമായിരിക്കാം. ഒരോ സീനിലും ഒളിഞ്ഞിരിക്കുന്ന പരിഹാസ ചുവ തിരിച്ചറിയാന്* സാധിക്കാത്തവര്* ഈ സിനിമയെ മോശം പറഞ്ഞാല്* അവരെ കുറ്റം പറയാന്* പറ്റില്ല. ഇത്തരമൊരു അപകട സാധ്യത അറിഞ്ഞ് കൊണ്ട് തന്നെയാണു ഇങ്ങനൊരു റിസ്*ക് എടുക്കാന്* ലിസ്റ്റിന്* സ്റ്റീഫന്* എന്ന നിര്*മ്മാതാവ് തയ്യാറായതും.

മേക്കിങ്ങിലാണ് സിനിമ വേറിട്ടു നില്*ക്കുന്നത്.
പ്രവീണ്* എസിന്റെ തിരക്കഥയും സന്തോഷ് വിശ്വനാഥിൻ്റെ തിരക്കഥയും തന്നെയാണ് ഈ മേക്കിങിന്റെ അടിത്തറ.

ഇനി കഥാപാത്രങ്ങളിലേക്ക് വരാം. രണ്ട് വ്യത്യസ്ത വേഷത്തിലാണ് കുഞ്ചാക്കോ ബോബന്* എത്തുന്നത്. തയ്യല്*ക്കാരനും യു ക്കെ കാരനും (കഥയിലെ ഗൾഫുകാരൻ സിനിമയിൽ യു ക്കെ കാരനാണ് ).
വളരെ നാളുകള്*ക്ക് ശേഷം റിമ കല്ലിങ്കലിനെ വെള്ളിത്തിരയില്* കാണുന്നതിന്റെ ഒരു പുതുമ അനുഭവപ്പെട്ടിട്ടുണ്ട്.
സിനിമയുടെ ജീവനാഡിയായ ശ്രീനിവാസന്*, വിറകുകെട്ടുകാരനായെത്തുന്ന ജോയ് മാത്യു ഇവരെ കൂടാതെ ഗ്രിഗറി, ഇടവേള ബാബു, സൃന്ദ അഷബ്, കലാരഞ്ജിനി, മാമുക്കോയ, ലാലു അലക്*സ്, സൈജു കുറുപ്പ് എന്നിവരും അവരുടെ വേഷം ഭംഗിയാക്കി. കരയോഗം പ്രസിഡന്റായി എത്തിയ ഇന്നസെന്റിന്റെ അതിഥിവേഷവും രസകരമായി.
ആക്ഷേപ ഹാസ്യത്തിന്റെ തുടര്*ച്ചകളില്* കോര്*ത്ത് മുന്നേറുന്ന സിനിമ ക്ലൈമാക്*സില്* എത്തുമ്പോഴേക്കും അതുവരെയുള്ള കാഴ്ചകളില്* നിന്ന് വ്യത്യസ്തമായ ഒരു തലത്തിലേക്ക് എത്തുന്നു. ഈ അടുത്ത കാലത്ത് ഇറങ്ങിയ മലയാള സിനിമകളില്* ഏറ്റവും മികച്ച പരീക്ഷണ ചിത്രമെന്ന നിലയില്* തീര്*ച്ചയായും കണ്ടിരിക്കേണ്ട, കണ്ടിരിക്കാവുന്ന സിനിമ തന്നെയാണ് ചിറകൊടിഞ്ഞ കിനാവുകള്*.

എൻ്റെ Rating
അഞ്ചില്* നാല് ****

Tuesday, March 18, 2014

പൊള്ളാണ് നീ...!!!

നീ എപ്പോഴും പറയുന്നു
നിനക്ക് മഴയോട് പ്രണയമാണെന്ന്..,
പക്ഷേ.,
മഴ നിന്നെ തേടിയെത്തുമ്പോള്‍
നീയവനെ കുട കൊണ്ട് പ്രതിരോധിക്കുന്നു...!!
നീ വെയിലിനെ പറ്റി വാചാലയാവുന്നു.,
സൂര്യനോട് പ്രണയമാണെന്ന് പറയുന്നു..,
പക്ഷേ,

സൂര്യരശ്മികള്‍ നിന്നിലേക്കെത്തുമ്പോള്‍
നീ തണലില്‍ ഒളിക്കാന്‍ ശ്രമിക്കുന്നു...!!
നിനക്ക് ഇളംകാറ്റിനോട് പ്രേമമാണെന്ന്
നീ പറഞ്ഞുകൊണ്ടേയിരിക്കുന്നു..,
പക്ഷേ,
നിന്നെ തേടിയെത്തുന്ന മാരുതന് മുന്നില്‍
നീ ജാലകവാതിലുകള്‍ കൊട്ടിയടക്കുന്നു..
ഇപ്പോള്‍ എനിയ്ക്ക് ഭയം തോന്നുന്നു...,
നീ എന്നെ പ്രണയിക്കുന്നു
എന്ന് പറയുന്ന നിമിഷത്തെയോര്‍ത്ത്...!!!

                                                                                        (കടപ്പാട്: ബോബ് മാര്‍ലി)

Sunday, December 8, 2013

ഇനിയും കഥ തുടരും

ഫാത്തിമയോടുള്ള പ്രണയം അങ്ങനെ തുടങ്ങിയതിനു ശേഷം എന്തായി

എന്ന സുഹൃത്തുക്കളുടെ ചോദ്യങ്ങള്‍ക്കുള്ള ഉത്തരമാണിത്.

ഓണം വെക്കേഷന്‍ കഴിഞ്ഞു മറുപടി തരാം എന്നും പറഞ്ഞു
അവളങ്ങു പോയെങ്കിലും എനിക്കൊരു സമാധാനവും ഉണ്ടായില്ല.,

വെക്കേഷന്‍ തുടങ്ങിയത് മുതല്‍ ആകെ ഒരിത്.,

അവളെ ഒന്ന് contact  ചെയ്യാന്‍ എന്താ ഒരു വഴി???
ഫോണ്‍ നമ്പര്‍ കൊടുത്തിട്ടുമില്ല വാങ്ങിയിട്ടുമില്ല.,
ഇനീപ്പോ എന്നാ ചെയ്യും???

അതിനല്ലേ മച്ചാനെ ഫേസ്ബുക്ക്‌...!!!!
ഞാന്‍ എന്നോട് തന്നെ ബുദ്ധി ഉപദേശിച്ചു.,
പിന്നെ വൈകിയില്ല,
തിരച്ചില്‍ ആരംഭിച്ചു..,

ഫാത്തിമ,
ഫാത്തിമ മോള്‍,
ഫാത്തിമ ടുട്ടു,
ഫാത്തിമ മുത്തു,
ഫാത്തിമ്മ കുന്തം,
ഫാത്തിമ്മ കൊടചക്രം...

ലോകത്തുള്ള എല്ലാ ഫാത്തിമാമാരേം സുക്കര്‍അണ്ണാച്ചി കാണിച്ചു തന്നു.,
എനിക്കാവശ്യമുള്ള ആളെ ഒഴിച്ച്,

ഇനി എന്ത് ചെയ്യും..????

 ചുമ്മാ വായും പൊളിച്ചു നോക്കാണ്ട് ഒരു ബുദ്ധി പറയടെ..,

കൂട്ടുകാരന്‍ നിസാറിനോട്  ഇത് പറയുമ്പോ എന്‍റെ ശബ്ദത്തില്‍ നിരാശയുണ്ടായിരുന്നു.

നമുക്ക് ഓളോട് പോയി ചോയിച്ചാലോ????

ഗ്ര്‍ര്‍ര്‍ര്‍ര്‍ര്‍ര്‍ര്‍ര്‍
ര്‍ര്‍.,
ഒരു മാതിരി പഴയ ചളി അടിക്കാതെടെയ്‌...,

അളിയാ., ഒരു ഐഡിയ ഉണ്ട്.,

ന്താടാ..????

അവളുടെ ക്ലാസ്സിലെ ബേസില്‍ എന്‍റെ FACEBOOK ഫ്രണ്ടാ...,
അവനോടു ചോദിച്ചാലോ????

ഠിം ഠിം ഠിം...!!!
എന്‍റെ തലക്കകത്ത് ഒരു നൂറു ബള്‍ബുകള്‍ ഒരുമിച്ചു മിന്നി...

ഡാ കടലപൊട്ടാ..,
നിസാറെ.,
അവന്‍റെ ഫ്രണ്ട്‌ലിസ്റ്റില്‍ തപ്പിയാ ഓളെ കിട്ടും.,
ഞാനൊന്ന് നോക്കട്ടെ...


അതും പറഞ്ഞ് ഞാന്‍ ഫേസ്ബുക്കിലേക്ക് ഊളിയിട്ടു.  




മോനെ., മനസ്സില്‍ ലഡ്ഡു പൊട്ടീ...

ഒരു ഫാതിമ്മയെ തപ്പിയപ്പോ ദാ മൂന്നെണ്ണം...
മൂന്നും ന്‍റെ  സെയിം കോളേജ്‌...

ഇതിലേതാടാ കുണാപ്പീ ഞാന്‍ ലപ്പ് ചെയ്യുന്ന പാത്തുമ്മ???
നിസാറിനോട് ചോദിക്കുമ്പോ ശരിക്കും എനിക്ക്പ്രാന്ത് പിടിച്ചു തുടങ്ങിയിരുന്നു...

അവസാനം അവളുടെ ക്ലാസിലെ ആ മരങ്ങോടന്‍ ബേസിലിനെ
സോപ്പിട്ട് കാര്യം നേടാന്‍ തീരുമാനിച്ചു.,

 "ഒരു ചിക്കെന്‍ ബിരിയാണി" കൈക്കൂലിയായി സ്വീകരിച്ചു ആ
ബേസില്മോന്‍ "എന്‍റെ ഫാത്തിമ"യുടെ പ്രൊഫൈല്‍ലിങ്ക് തന്നു.,

കിട്ടിയ ഉടനെ ഞാന്‍ അവള്‍ക്കു ഫ്രണ്ട്റിക്വസ്റ്റ് അയച്ചു.,

അന്ന് വൈകുന്നേരം എനിക്ക് സന്തോഷവാര്‍ത്തയുമായി സുക്കറണ്ണന്‍
നോട്ടിഫിക്കേഷന്‍ അയച്ചു..,

അവള്‍ എന്നെ സുഹൃത്താക്കിയിരിക്കുന്നു..,

നോട്ടിഫിക്കേഷന്‍ വന്ന ഉടനെ ഞാനവള്‍ക്ക് ഒരു "ഹായ്" അയച്ചു.

പിന്നെ അങ്ങോട്ട്‌ മാലപ്പടക്കത്തിന് തിരി കൊളുത്തിയപോലെ മെസേജുകളുടെ
ആറാട്ടവും അഴിഞാട്ടവുമായിരുന്നു..,

അവസാനം ഞാന്‍ അവളോട്‌ "പ്രതീക്ഷക്ക് വല്ല വകയുമുണ്ടോ?"  എന്ന് ചോദിച്ചു.,

"നേരിട്ട് പറയാം" എന്നായിരുന്നു അവളുടെ മറുപടി.


ഓണം വെക്കേഷന്‍ കഴിഞ്ഞു.,
കോളേജ്‌ തുറന്നു..,

മനസ്സ് നിറയെ പ്രതീക്ഷകളുമായി ഞാന്‍ കോളേജിലെത്തി..

(ഇനിയുള്ള ഓരോ വരിയും വായിക്കുന്നതിനോടൊപ്പം റിയാലിറ്റിഷോകളിലെ
എലിമിനേഷന്‍ റൗണ്ട് തീം മ്യൂസിക്‌ കൂടി ഉള്‍പ്പെടുത്താന്‍ ശ്രദ്ധിക്കുക)

അവള്‍ വരുന്നതും കാത്തു ഞാന്‍ നിന്നു.

സമയം കടന്നുപോയ്ക്കൊണ്ടിരുന്നു.,

അവള്‍ വരുന്ന ലക്ഷണമൊന്നും കാണുന്നില്ല.,

ഇനി അവളെങ്ങാനും നേരത്തെ വന്നോ???

ഞാനവളുടെ ക്ലാസ്സിലേക്ക് ചെന്ന്..

ഠിം.,

ക്ലാസ്സ്‌ പൂട്ടിക്കിടക്കുന്നു.,

ഓഫീസില്‍ അന്വേഷിച്ചപ്പോളാ അറിഞ്ഞത്

അവര്‍ക്ക് ഒരാഴ്ച്ച STUDY LEAVE ആണത്രേ..,

ആ ഒരാഴ്ച്ച അവളെ ഫേസ്ബുക്കിലും കണ്ടില്ല.

അവള്‍ക്കു എക്സാം നടന്ന ദിവസങ്ങളില്‍ ഒരു ക്യാമ്പുമായി ബന്ധപ്പെട്ടു
ഞാന്‍ കോളെജിലുമില്ലായിരുന്നു..,

ദിവസങ്ങള്‍ക്ക് ശേഷമുള്ള ഒരു ഇന്‍റെര്‍വെല്‍ സമയം.,

ലൈബ്രരിയിയില്‍ നിന്നും ഇറങ്ങി വരുന്ന അവളുടെ മുന്നില്‍ ഞങ്ങള്‍ (ഞാനും
കൂട്ടുകാരന്‍ നിസാറും) പ്രത്യക്ഷപ്പെട്ടു.

ഞാന്‍ അവളോട്‌ ചോദിച്ചു: എന്തായി തീരുമാനം???

അത്., പിന്നെ....
അവള്‍ നിന്ന് പരുങ്ങി...

എന്തായാലും പറ...

ഞാന്‍ അവളെ പ്രോത്സാഹിപ്പിച്ചു.,

അത് പിന്നേ.,

ഇക്കയും കൂടി പതിമൂന്നാമത്തെ ആളാണ്‌ എന്നോട് പ്രൊപ്പോസല്‍ നടത്തുന്നത്, (പ്ലിംഗ്)
ഞാന്‍ ഇക്കയെ ഇഷ്ട്ടാന്നു പറഞ്ഞാല്‍ ബാക്കി പന്ത്രണ്ട് പേര്‍ക്കും വിഷമമാവില്ലേ.,
എനിക്ക് ആരെയും വിഷമിപ്പിക്കാന്‍ വയ്യ,
അതോണ്ട്

അവള്‍ ഒന്ന് നിര്‍ത്തി.,

അതോണ്ട്???

അതോണ്ട് ഇക്കയും ആ വെയിറ്റ്ലിസ്റ്റില്‍ നില്‍ക്കൂ...,
ന്തേ??? (ഡബിള്‍ പ്ലിംഗ്)

           

നഷ്ട്ടവേദനയില്‍ ആകെ പ്ലിങ്ങിതനായി തിരിച്ചു നടക്കുമ്പോള്‍ കോളേജ്‌
വരാന്തകളില്‍ മാത്രം കണ്ടു വരുന്ന ആ പ്രത്യേക കാറ്റ്
വീശുന്നുണ്ടായിരുന്നു.,

അപ്പോള്‍ ഞാനൊരു കാഴ്ച കണ്ടു.,

എനിക്കെതിരെ ഒരു മൊഞ്ചത്തിക്കുട്ടി നടന്നുവരുന്നു...

ആരാടാ നിസാറെ അത്????

ഏത്???

എടാ ആ ചൊമന്ന ചുരിദാറ്...

ഓ, അതോ., അത് 2nd ജേര്‍ണലിസത്തിലെ ഷാഹിനായാണ്.,

പടച്ചവനെ.,
ഒരെണ്ണം പോയപ്പോ നീയിതാ മറ്റൊരു കച്ചിത്തുരുമ്പ് കൊണ്ട് വന്നിരിക്കുന്നു.,

അളിയാ., നാളെ മുതല്‍.,
അല്ല ഇപ്പൊ മുതല്‍ ഇവളാണ് എന്‍റെ സ്വപ്നങ്ങളിലെ
രാജകുമാരി...!!!!

നീ ഒന്ന് കിട്ടിയാല്‍ പഠിക്കൂലാ ല്ലേ..??

ഒന്നല്ല ഒമ്പത് പണി കിട്ടിയാലും ഞാന്‍ പഠിക്കൂലാ മുത്തേ എന്നു അവനോടു
മറുപടിയും പറഞ്ഞു അവളെയുംകടന്നു നടന്നു നീങ്ങുമ്പോള്‍ ഞാന്‍ വീണ്ടും
സ്വപ്‌നങ്ങള്‍ കാണാന്‍ തുടങ്ങുകയായിരുന്നു...

Sunday, November 10, 2013

മൈലാഞ്ചിച്ചെടികള്‍ പറഞ്ഞത്


അന്ന്,
അവളുടെ വീട്ടില്‍ കല്യാണത്തിനു
പന്തലിടുമ്പോള്‍ ഇവിടെ എന്‍റെ ഖബര്‍ കുഴിക്കുകയായിരുന്നു...,
അവള്‍ മറ്റൊരാളുടെ താലിച്ചരടിനായി തല കുനിക്കുമ്പോള്‍
എന്‍റെ ഖബറിലേക്ക് മണ്ണ് വെട്ടിയിടുന്ന തിരക്കിലായിരുന്നു
എല്ലാവരും....
ഇന്ന്.,
ഖബറിനു മേലെ പൂത്തു നില്‍ക്കുന്ന മൈലാഞ്ചിച്ചെടികള്‍
ഉറക്കെ വിളിച്ചു പറയുന്നുണ്ട്.,
"ഒരുമിച്ചുണ്ടായിരുന്ന വസന്തകാലത്തിന്‍റെ
ഓര്‍മ്മപൂക്കളാണ് ഞങ്ങളെന്ന്"

(മലയാളം ബ്ലോഗേര്‍സ് ഗ്രൂപ്‌ നടത്തിയ മിനികഥ മത്സരത്തിനായ്‌ എഴുതിയത്)

Saturday, September 14, 2013

അങ്ങനെ തുടങ്ങി


ജെയിംസ് സാറിന്റെ എകണോമിക്‌സ് ക്ലാസ്സില്‍ ഇരിക്കുമ്പോഴാണ് കമ്പ്യൂട്ടര്‍ ടിപ്സ് ബ്ലോഗിന്റെ മുതലാളിയും
സുഹൃത്തുമായ  ഷാഹിദ്‌ഇക്കാടെ മെസ്സേജ്...

''എന്തായി പ്രേമം പറഞ്ഞോ''??

(ഒരിക്കല്‍ സംസാരിക്കുന്നതിനിടയില്‍ ഒരു ജൂനിയര്‍ പെണ്‍കുട്ടിയോട് ഇഷ്ട്ടം തോന്നിയ കാര്യം സൂചിപ്പിച്ചിരുന്നു...,
അന്നേ മൂപ്പര്‍ പറഞ്ഞു.. 'വച്ച് താമസിപ്പിക്കാതെ പറഞ്ഞേക്ക്' എന്ന്..)
'ഇല്ലാ'ന്ന് മറുപടി കൊടുത്ത ഉടനെ വന്നു അടുത്ത മെസ്സേജ്:
'ഇന്ന് പോയി പറയെടാ'ന്നു....
ഒരാളെ തല്ലു കൊള്ളിക്കാന്‍ എന്നാ ഉഷാറാണെന്നു നോക്കണേ...!!!!
ഞാന്‍ ഓക്കേ പറഞ്ഞു...
അപ്പോള്‍ ഒരാവേശത്തിനു അങ്ങനെ പറഞ്ഞെങ്കിലും പിന്നീടാണ് ഞാനതിന്റെ പരിണിതഫലങ്ങളെ കുറിച്ചോര്‍ത്തത്.

പരിണിതഫലം നമ്പര്‍വണ്‍:
അവള്‍ തിരിച്ചും ഇഷ്ട്ടാന്നു പറഞ്ഞാല്‍....
ഞങ്ങള്‍ പ്രേമിച്ചു നടന്നാല്‍....
ഓള്‍ടെ വാപ്പ എന്റെ കയ്യും കാലും തല്ലി ഓടിച്ചാല്‍....
സങ്കടം മൂത്ത് ഓളെന്റെ കൂടെ ഇറങ്ങി വന്നാല്‍.....
ഞങ്ങള്‍ കല്യാണം കഴിച്ചാല്‍....
എനിക്ക് കിട്ടേണ്ട സ്ത്രീധനം ഞാന്‍ ആരോട് വാങ്ങും???
ഞാന്‍ പ്ലിംഗൂല്ലേ....!!!!

പരിണിതഫലം നമ്പര്‍ ടു:
ഓള് പോയി പാപ്പനോട്പറഞ്ഞാല്‍....  (പ്രിന്‍സിപ്പല്‍ അദ്ധ്യത്തെ കുട്ടികള്‍ സ്‌നേഹം കൊണ്ട് വിളിക്കുന്ന പേരാണ് പാപ്പന്‍)
പാപ്പനെന്നെ സസ്‌പെന്‍ഡ് ചെയ്താല്‍....
എന്റെ പൊളിറ്റിക്കല്‍ ഇമേജ്....
മറ്റുള്ളവരുടെ മുന്നിലുള്ള മാന്യനെന്ന മുഖംമൂടി....
ഒക്കെ പോവില്ലേ...,
അത് മാത്രമോ., ഇനി രണ്ടു കൊല്ലത്തേക്ക് ആരോടെങ്കിലും ഇഷ്ടാന്നു പറയാന്‍ പറ്റ്വോ...?
ഞാന്‍ .പ്ലിംഗൂല്ലേ....!!!!
എന്തായാലും പ്ലിംഗും...
എന്നാ പിന്നെ പറഞ്ഞിട്ട് പ്ലിംഗാമെന്ന് ഞാനും കരുതി...

ബെല്ലടിച്ചു....
ജെയിംസ് സര്‍ ക്ലാസ്സാവസാനിപ്പിച്ചു പോയി....
സാറ് പോയ ഉടനെതന്നെ
ആഗോളതാപനവും പ്ലാസ്റ്റിക്കും യുവാക്കളുടെ പ്രണയത്തെ എങ്ങനെ ബാധിക്കുന്നു എന്ന വിഷയത്തെ സംബന്ധിച്ചു ഫാരിസിന്റെ നേതൃത്വത്തില്‍ ക്ലാസ്സില്‍ കൂലങ്കഷമായ ചര്‍ച്ച തുടങ്ങി.....
ചര്‍ച്ചയില്‍ പങ്കെടുക്കാന്‍ പോയ എല്‍ദോച്ചനെയും മുനീറിനെയും മറ്റു 2-3 പേരെയും കൂട്ടി ഞാന്‍ പുറത്തേക്കിറങ്ങി...
'എടാ എല്‍ദോ ഞാനിന്നു ഓളോടെന്റെ മൊഹബ്ബത്തു പറയാന്‍ പോവ്വാ.., നീയെനിക്ക് അതിന്റെ ഒരു ഫോട്ടോ പിടിച്ചു തരണം.. ഫേസ്ബുക്കില്‍ ഇടാനാണ്...'
ഞാന്‍ അവനെ എന്റെ ഫോണ്‍ ഏല്‍പ്പിച്ചു...
'അതിനു നിന്റെയീ ഫോണ്‍ലെങ്ങനെയാ ഫോട്ടോ എടുക്കുന്നത്'???
അവന് സംശയം....!!!
ബ്ലഡി മല്ലു...
ആണ്ട്രോയിഡ് ഫോണ്‍ ഉപയോഗിക്കാന്‍ അറിഞ്ഞു കൂടാ....
ഇവനൊക്കെ എങ്ങനെ ഡിഗ്രീ പാസ്സായോ എന്തോ...!!!
ഞാന്‍ 2-3 വട്ടം കാണിച്ചു കൊടുത്തു...
ഊഹും.... പൊട്ടന്റെ തലേ കേറണില്ലാ.....
ഞാന്‍ പതിയെ മുനീറിനെ വിളിച്ചിട്ട് സംഗതി പറഞ്ഞു..,
ഓന്‍ ഫോട്ടോ എടുത്തു തരാമെന്നു സമ്മതിച്ചു...
(ഇതിനിടെ ഓള് ഊണ് കഴിക്കാന്‍ കയ്യും കഴുകി ക്ലാസ്സിലേക്ക് കേറി പോകുന്നത് മുകളില്‍ നിന്നും ഞാന്‍ കണ്ടിരുന്നു.)
ഡാ ഫോട്ടോ പിടിക്കാനറിയില്ലെങ്കി വേണ്ടാ.., നിനക്കെന്റെ കൂടെ വരാല്ലോ...
ഞാന്‍ എല്‍ദോനെ വിളിച്ചു...
എന്താന്നറിയില്ല വിളിച്ച ഉടനെ ഓനെന്റെ കൂടെ പോന്നു....
ഞങ്ങള്‍ പതിയെ കോണിപ്പടികളിറങ്ങി അവളുടെ ക്ലാസ്സിനടുത്തു ചെന്ന് നിന്നു...
ക്യാമറ ക്ര്യൂ റെഡിയാണോ എന്ന് നോക്കി....
മുനീറും പിള്ളേരും എന്നെ നോക്കി തള്ള വിരല്‍ പൊക്കി കാണിച്ചു...
ഇവന്മാരെന്താ ഈ കാണിക്കുന്നത്???
ലൈക്ക് അടിക്കുന്നതാണോ???
ഹേയ്.., ഒരിക്കലുമാവില്ല... അരമണിക്കൂര്‍ ഇടവിട്ട് പ്രൊഫൈല്‍പിക്ചര്‍ മാറുമ്പോ പോലും ലൈക് അടിക്കാത്തവന്മാരാ...
പിന്നാ ഹിപ്പോ...
ഇനി അവന്മാരെന്റെ തള്ളക്ക് വിളിച്ചതായിരിക്കുവോ???
ആയിരിക്കും...
കള്ളബടുക്കൂസുകള്....
ഞാന്‍ തിരിച്ചും അവന്മാരുടെ തള്ളക്കും വിളിച്ചു (ഇനി അവന്മാര്‍ ലൈക്ക് അടിച്ചതാണേല്‍ ഒരെണ്ണം തിരിച്ചും ഇരുന്നോട്ടേന്ന്)....
ഇതിനിടെ എല്‍ദോ എന്റെടുത്ത് നിന്നും മാറി നിന്നിരുന്നു....
അല്പസമയം കഴിഞ്ഞപ്പോള്‍ അവളും കൂട്ടുകാരിയും എന്റെ മുന്നിലൂടെ ടാപ്പിനരികിലേക്ക് പോയി(ഊണ് കഴിച്ചു കയ്യ് കഴുകാന്‍...)
ഞാന്‍ അവളുടെ കാലിലേക്ക് പാളി നോക്കി....
ഹോ ഭാഗ്യം...
ചെരുപ്പിന് ഹീല്‍ കുറവാണ്...
മുഖത്ത് പാടുണ്ടാവാന്‍ ചാന്‍സില്ല....
തിരിച്ചു വന്ന അവള്‍ എന്നെയും കടന്ന് പോകാന്‍ തുടങ്ങവേ ഞാന്‍ അവളെ വിളിച്ചു...
ഫാത്തിമാ....
അവളും കൂട്ടുകാരിയും ഒരുമിച്ച് തിരിഞ്ഞു നോക്കി....
അവള്‍ ചോദിച്ചു: 'എന്നെയാണോ'? (കൂട്ടുകാരിയുടെ പേരും ഫാത്തിമ എന്നാണെന്ന് ഞാനറിഞ്ഞത് അല്‍പ്പം വൈകിയാണ്.)
അതെ..,
നിന്നെതന്നെ....
എന്റെ ശബ്ദം വിറക്കുന്നുണ്ടോ...???
ഹേയ്... വെറുതെ തോന്നുന്നതായിരിക്കും....
ഒരു മിനിറ്റ്, ഒന്ന് വര്വോ, എനിക്കൊരല്പ്പം സംസാരിക്കാനുണ്ടായിരുന്നു....
ഞാന്‍ കാര്യത്തിലേക്ക് കടന്നു.....
അവള്‍ പതിയെ ചിരിച്ചു കൊണ്ട് എന്റെ അരികിലേക്ക് വന്നു...
'താഹിര്‍ പറഞ്ഞ  എം.എസ്. ഡ്ബ്ല്യൂക്കാരന്‍ ഞാനാണ്.  (വിദ്യാര്‍ഥി നേതാവും അവളുടെ സീനിയറുമായ താഹിരിനോട് ഞാന്‍ അവളോടിക്കാര്യം സൂചിപ്പിക്കാന്‍ പറഞ്ഞിരുന്നു.)
എനിക്കറിയാം... ഞാന്‍ കണ്ടിട്ടുണ്ട്....
അവള്‍ പുഞ്ചിരിച്ചുകൊണ്ട് മൊഴിഞ്ഞു....
മുത്തുകള്‍ ഉതിര്‍ന്നു വീഴുന്നുണ്ടോ?
ഹേയ്..., എനിക്ക് തോന്നിയതാവും.....
'എനിക്ക്...., എനിക്ക് നിന്നെ ഇഷ്ട്ടമാണ്... കല്യാണം കഴിച്ചാല്‍ കൊള്ളാമെന്നുണ്ട്....'
വായുംപൊളിച്ചു നില്‍ക്കുന്ന അവളെ നോക്കി ഞാനിത്രകൂടി പറഞ്ഞൊപ്പിച്ചു....
'സീരിയസ്സായിട്ട് വേറെ റിലേഷന്‍സ് ഒന്നുമില്ലെങ്കില്‍, ഒന്നാലോചിക്ക്....
എന്നിട്ട് നല്ലൊരു മറുപടി താ'...
അവള്‍ എന്നെ നോക്കി ഒന്ന് പുഞ്ചിരിച്ചു.....,
ക്ലാസ്സിലേക്ക് കേറിപോകാന്‍ തുടങ്ങുന്നതിനിടെ ഞാനിത്രകൂടി പറഞ്ഞു...
'ഓണാവധി കഴിഞ്ഞു വരുമ്പോള്‍ പറയണേ...'
അവളൊന്നു തിരിഞ്ഞു നോക്കി...
ശെരിയെന്ന മട്ടില്‍ മുഖമൊന്നു ചലിപ്പിച്ചു..,
പിന്നെ ക്ലാസ്സിലേക്ക് കയറിപ്പോയി.....
കുറച്ചു ലവ് സീനും അഞ്ചാറു ലവ്‌സോങ്ങ്‌സും സ്വപ്നം കണ്ട് ഞാന്‍ ലോട്ടറിയടിക്കാന്‍  പോകുന്ന പൊട്ടനെ പോലെ
എന്റെ ക്ലാസ്സിലേക്കു നടന്നു,
കൂടെ എല്‍ദോസും.....
ലോട്ടറിയടിക്കുമായിരിക്കും അല്ലെ....
(ക്ലാസിലെത്തിയ ഉടനെ ഷാഹിദ് ഇക്കക്ക് മെസ്സേജ് അയച്ചു. സംഗതി പറഞ്ഞെന്നും പറഞ്ഞ്...
എങ്ങനെ തുടങ്ങിയെന്ന മൂപ്പരുടെ ചോദ്യത്തിന് 'അങ്ങനെ തുടങ്ങി' എന്നും പറഞ്ഞ് സംഭാഷണം അവസാനിപ്പിക്കുകയും ചെയ്തു. )
NB:- ഇതിലെ കഥയും കഥാപാത്രങ്ങളും ജീവിച്ചിരിക്കുന്നവരാണ്..., അതുകൊണ്ട് തന്നെ ഇതു പോസ്റ്റിയതിനു ശേഷം രണ്ട് ദിവസത്തിലധികം
ഈയുള്ളവനെ കാണാതിരുന്നാല്‍ അടുത്തുള്ള പോലീസ് സ്‌റ്റേഷനില്‍ വിവരമറിയിക്കാന്‍ താല്പര്യപ്പെടുന്നു...
ഡീറ്റെയില്‍സ് ഫേസ്ബുക്കില്‍ ഉണ്ട്... :P
ധാ... ഇതാണ് മുനീര്‍ എടുത്ത ഫോട്ടോ..



ആ അടയാളപ്പെടുത്തിയിരിക്കുന്നിടത്
തു കാണണ തട്ടമിട്ട ആള്‍ അവളാണ്...,
കൂടെ കാണുന്ന നിഴല്‍ ഞാനും...! :) :P

Thursday, August 22, 2013

ഓത്തുപള്ളിക്കാലത്തേക്ക് ഒരെത്തിനോട്ടം

കോളെജ്കാലത്ത് കൂട്ടുകാരനെപോലെ തോളില്‍ കയ്യിട്ടു നടന്ന പ്രിയപ്പെട്ട അധ്യാപകന്‍റെ 
അച്ചടിമഷി പുരണ്ട രണ്ടാമത്തെ പുസ്തകം...  "ഓത്തുപള്ളിക്കാലം"

മാപ്പിളക്കുട്ടിക്കാലത്തിന്റെ മനോഹരങ്ങളായ ഓര്‍മ്മകള്‍ പങ്കുവയ്ക്കുന്ന പുസ്തകമാണ് എം.എം കബീറിന്റെ ഓത്തുപള്ളിക്കാലം.

കുട്ടിക്കാലവും അതിന്റെ  ഓര്‍മ്മകളും പുസ്തകത്തില്‍

രസകരമായി കടന്നു വരുന്നു.

കൂട്ടുകാരും അവരോടൊത്തുള്ള നിമിഷങ്ങളും

അവരെ എല്ലാകാലത്തേക്കുമായി പുണര്‍ന്നുകിടക്കാനുള്ള

അനന്തമായ ആഗ്രഹവുമാണ് ഓത്തുപള്ളിക്കാലത്തിലൂടെ

വായനക്കാരനെ തേടിയെത്തുക.

കുട്ടിക്കാലത്തുനിന്ന് പുറത്താക്കപ്പെട്ടതിന്റെ സങ്കടം

പുസ്തകം വായിച്ചാല്‍ ഒരിക്കലൂം നമ്മെ വിട്ടു പോകുകയില്ല.

നമ്മുടെ സാഹിത്യത്തില്‍ ഓത്തുപള്ളികള്‍ ഉത്പാദിപ്പിച്ച ഭാവനകള്‍ അധികം ഉണ്ടായിട്ടില്ല.,

ഓത്തുപള്ളികള്‍ മുസ്ലിംമതപടനകേന്ദ്രം എന്നാ നിലയില്‍ മാത്രമേ എല്ലാരും മനസ്സിലാക്കിയിട്ടുള്ളൂ..,

എന്നാല്‍ നിരവധി കഥകളുടെയും ആഖ്യാനങ്ങളുടെയും മിത്തുകളുടെയും നിരവധി ലോകങ്ങളും ഓത്തുപള്ളികളില്‍ വളരുന്നുണ്ട്.

ഏതൊരു കരിക്കുലവും ഭാവനയെ തട്ടി ഉണര്‍ത്തുന്ന നിരവധി പ്രദേശങ്ങളിലൂടെ കടന്നു പോകുന്നുണ്ട്. അതില്‍ നിന്ന് ഓത്തുപള്ളികള്‍ക്ക് മാത്രമായി മാറിനില്‍ക്കാനാവില്ല.

ഓത്തുപള്ളിയുടെ മതപരതയിലല്ല, സാഹിത്യപരതയില്‍ പരതുമ്പോള്‍ മാത്രമാണ് ഒരു ഭാവനാശാലിക്ക് അവിടെനിന്നും പൊതുസമൂഹം ആസ്വദിക്കുന്ന സാഹിത്യം കൂടി നിര്മ്മിക്കാനാവുന്നത്


ഒരു സാധാരണ മുസ്‌ലിം കര്‍ഷകകുടുംബത്തിനകത്ത് ഓത്തുപള്ളിക്കാലം

എങ്ങനെ പ്രവര്‍ത്തിക്കുന്നു എന്നാ തിരിച്ചറിവിലേക്ക് വായനക്കാരനെ കൈപിടിച്ചു

നടത്തുന്നുണ്ട് ഈ പുസ്തകം.

പുസ്തകത്തിന്റെ ആമുഖത്തില്‍ രചയിതാവ് എം.എം.കബീര്‍ ഇങ്ങനെ പറയുന്നു: കൂട്ടുകാരേക്കാള്‍ ഞാനിത്തിരി പ്രായത്തില്‍ ഇളയതായിരുന്നു.

എനിക്കെല്ലാവരേയും, എല്ലാ ഇരുട്ടിനേയും പേടിയുമായിരുന്നു.

വിജനമായ വഴികള്‍,

കാടുപിടിച്ച മരച്ചോടുകള്‍ ഒക്കെയും എന്നെ ഓടിച്ചിട്ട് പേടിപ്പിക്കുമായിരുന്നു.

അത് കൊണ്ടാവാം എന്നെ കൂട്ടാതെയാണ് കൂട്ടുകാര്‍ പലകളിയും കളിച്ചത്.

എന്നെ ഉപേക്ഷിച്ചാണ് അവര്‍ പലവഴിയും പോയത്.

എന്റെ ഊഞ്ഞാലില്‍,

പറമ്പിലെ മാവിന്‍കൊമ്പില്‍,

വൈക്കോല്‍ത്തുറുവില്‍,

കാപ്പിക്കൂട്ടങ്ങള്‍ക്കിടയില്‍ കോഴിപ്പിടച്ചി മട്ടയിടാറുള്ള തണുപ്പില്‍,

ഒറ്റക്കിരുന്ന് കൂട്ടുകാര്‍ പോയ ഇടങ്ങളിലൊക്കെ

അവര്‍ക്ക് മുമ്പേ ഞാനോടിയെത്തി;

അവര്‍ കാണാത്ത ഒരു പൂ മണത്തു.

അവര്‍ തൊടാത്ത ഒരു കിളിമുട്ടയെടുത്തു.

അവര്‍ നീന്താത്ത ഒരു കുളത്തില്‍ മുങ്ങി,


അവര്‍ നനയാത്ത ഒരു മഴയില്‍ തിമിര്‍ത്തു.

അവര്‍ ഇറങ്ങാത്ത തോട്ടില്‍ നിന്ന് പരല് കോരി,

അവര്‍ കേറാത്ത ആഞ്ഞിലിയുടെ ആകാശത്തേക്ക്

മിസറിനൊപ്പം (നീറന്‍ ഉറുമ്പ്) ഒരുമിച്ച് കേറി.





ഓത്തുപള്ളിക്കാലം ഓര്‍മകളുടെ പാഴ്‌വായനയാണെന്ന്

ചിലരൊക്കെ പറഞ്ഞിട്ടുണ്ട്,

ചിലപ്പോള്‍ ഞാന്‍ എന്നോട് തന്നെയും.

നിരവധി കുഴപ്പങ്ങളിലൂടെ ലോകം ബദ്ധപ്പെട്ട് മുന്നോട്ട് നടക്കുമ്പോള്‍

ഓര്‍മ്മകള്‍ക്ക് പിന്നാലെ പായുന്നവനെ എന്ത് വിളിക്കണം?

ഓത്തുപള്ളിക്കൂടത്തിന്റെ തട്ടമിട്ടതും തൊപ്പിവെച്ചതുമായ

ഓര്‍മ്മപ്പെരുക്കങ്ങള്‍ക്കപ്പുറത്ത്,

ചില ചെറിയ ജീവിതങ്ങളുടെ അപ്രധാനമായ അങ്കങ്ങള്‍

ആരും കാണാതെ അരങ്ങേറിയ ഒരു ദേശത്തിന്റെ കൂടി രംഗപടമാണിത്.

ഒരുപാട് കാരണങ്ങള്‍ നിരത്തി നമുക്ക് ഓര്‍മകളെ ഉപേക്ഷിച്ചു പോകാം.

ആവശ്യമുള്ളത് മാത്രം എഡിറ്റ് ചെയ്‌തെടുക്കാം.

പക്ഷെ,

വരാനിരിക്കുന്നതും ഇപ്പോള്‍ ജീവിച്ചിരിക്കുന്നതുമായ നിമിഷങ്ങളെ

കാത്തിരിക്കുന്നത് ഓര്‍മ്മയുടെ ഭൂതപാത്രങ്ങളാണ്..



മേഘങ്ങളോളം പൊക്കത്തിലുള്ള കുന്നിന്മുകളിലായിരുന്നു ഓത്തുപള്ളി.

അതിനാല്‍ കബീര്‍ പ്രകൃതിയുടെ നിരവധി തുരസ്സുകളിലൂടെ സഞ്ചരിച്ചു.

 മരങ്ങളും ചെടികളും പറവകളും അയാളുടെ കൂട്ടുകാരായി.,

സത്യത്തില്‍ ഓത്തുപള്ളികാലത്തു  അയാള്‍ ഉപ്പന്‍കൂടുകളിലും

 പ്രകൃതിയുടെ നിഗൂഡതയിലും വിരാജിച്ചു.

എല്ലാ ദാരിദ്ര്യത്തെയും തോല്‍പ്പിച്ചു.

കാട്ടുവള്ളികളില്‍ ഏന്തിവലിഞ്ഞു പര്‍വ്വതാരോഹകനായി.

മല കരഞൊഴുകുന്ന സങ്കടമാണ് തോടെന്നു അയാള്‍ പഠിക്കുന്നത് ഉമ്മയെന്ന യൂണിവേര്‍സിറ്റിയിലാണ്.

 കുട്ടിക്കാലമാണ് ഒരാളുടെ ഏദന്‍ തോട്ടം.

 അവിടെ നിന്ന് പുരത്താക്കപ്പെടുന്നതിന്റെ ഖേദത്തിലെക്ക്

അതിമനോഹരമായ ഈ പുസ്തകം നമ്മെ നയിക്കും.

വളര്‍ന്നു വലുതായത് നിഷ്ഫലമായോ എന്ന് തോന്നിപ്പിക്കും..



ഉമ്മയും, ഉപ്പയും, സഹോദരങ്ങളും കളിക്കൂട്ടുകാരും,

ഓത്തുപള്ളിയിലെ ഉസ്താദുമാരും ,

പള്ളിക്കൂടത്തിലെ അധ്യാപകരുമെല്ലാം കഥാപാത്രങ്ങളാകുന്ന

ചിലപ്പോള്‍ പൊട്ടിച്ചിരിപ്പിക്കുന്ന ,

 പയ്യെ കണ്ണു നനയിക്കുന്ന ഒരു കുഞ്ഞു പുസ്തകമാണ് 'ഓത്തുപള്ളിക്കാല